En la forumo de „Esperanto novosti“ aperis kelkaj eroj de la Esperanta traduko de moderna ruslingva prozo de Ĝoni Ramonov, nova promesplena verkisto el Nord-Osetio. De la unua persono li priskribas aventurojn de 25-jara junulo, perdiĝinta inter tradiciaj valoroj kaj modernaj realaĵoj. Viaj komentoj bonvenas.

La kartvela prezidento singarde bonvenigis la rusan interkonsenton pri retiro de siaj soldatoj el lokoj ĉirkaŭantaj Sudan Osetion kaj Abĥazion je mezoktobro. Miĥail Saakaŝvili diris, ke tio estas grava "elpaŝo", sed ripetis, ke rusaj fortoj devas ankaŭ forlasi la du secesiintajn regionojn. La anonco sekvis intertraktojn inter la rusa prezidento Dmitrij Medvedev kaj ties franca kolego, Nicolas Sarkozy.