Rakonto pri esperantistino el Kartvelujo, kiu devis fuĝi el sia lando kun sia fileto, kaj ŝia nuna vivo en rifuĝcentro oriente de Pollando. Esperantistoj organizis helpon por ŝi kaj ŝiaj samsortanoj, kaj vizitis la rifuĝintejon.

Jen mi invitas vin spekti jam la 15-an parton de la bjalistoka Esperanto-televido. En ĝi ni daŭrigas la turisman programon laŭ la lokoj, kiujn vi havos eblecon viziti dum la venontjara UK.

Laŭ la tradicia diro, „13” devas esti malfeliĉa nombro: kaj tio tuŝis ankaŭ nian televidon :) Niaj aparatoj ribelis, kaj tial la 13-a parto de nia televido estas spektebla iom pli malfrue.

La urbo Bjalistoko antaŭ kelka tempo lanĉis promocian turisman kampanjon en aliaj urboj de Polujo kaj eksterlande. Ekde tiam la urba slogano estas "Wschodzący Białystok" (angle: Rising Bialystok, esperante: Leviĝanta Bjalistoko). Por ĝi oni faris inter alie 18-minutan filmon pri valoroj de la urbo en kelkaj lingvoversioj.

Unue oni planis spektigi la filmon por kongresanoj en Roterdamo - pro teknikaj kialoj tio tamen ne eblis. Sed nenio estas perdita - ĝi spekteblas en la Esperanto-televido ITVC!