En tiu ĉi filmeto, mia patrino, Carme Bonet, rakontas kiel fari “panellets”-n , tipajn katalunajn aŭtun-dolĉaĵojn, heritaĵon de la al-andalusa kuirart-tradicio. Dum la unua tago de novembro oni memoras la forpasintojn, dumnokte , oni celebras la kaŝtanfeston, manĝas kaŝtanojn kaj tiujn panellets-n.

Lasta filmeto de KISTV. Guillem Sevilla kaj Rut Rovira estas la dezajnistoj kiuj respondecas pri la laborgrupo celanta disvolvi la asocian identecon de KEA. Tiu laborgrupo celas starigi unuecan kaj firman asocian identecon por plej bone kaj klare videbligi la asocion kaj ĝian agadon. Por tio oni kreis agadplanon dufazan: en la una fazo oni realigas diagnozon kaj en la dua oni planas la identigon. Ili pli detale klarigas tion en artikolo aperinta en la numero 341 (januaro-marto 2007) de Kataluna Esperantisto.