La 9-an de majo Rusio festas la Tagon de Venko... Persone por mi la Granda Patria Milito, kiel oni nomas la militon 1941-1945 en Rusio, ne estas simplige rus-germana. En la hodiaŭa blogaĵo mi rakontas iom pri la hispana partopreno en la plej teruraj paĝoj de tiu historio.

La urbo Bjalistoko alprenis decidon proprakoste renovigi la historian konstruaĵon ĉe la strato Warszawska 15 kaj destini ĝin por la sidejo de Esperanto-Centro je la nomo de Ludoviko Zamenhof. Por ĝia Zamenhof-Muzeo ni serĉas memoraĵojn rekte aŭ nerekte ligitajn kun d-ro Ludoviko Zamenhof kaj Esperanto. La ekspozicio pretos ĝis la 94-a UK en Bjalistoko en 2009.

Aperis en la Esperanta Gazetejo la tuta kolekto de Popola Fronto, la gazeto en esperanto eldonita en Valencio dum la hispana enlanda milito (1936-1939). Jen elstara historia dokumento, pri kies graveco kaj historio eblas legi en la artikolo de Del Barrio kaj Lins en Libera Folio: http://www.liberafolio.org/2006/civitanamilito

Kvankam aperinta la pasintan decembron, mi rekomendas al interesitoj pri la Esperanto-historio la legadon de ĉi tiu prelego de Toño del Barrio kaj Ulrich Lins pri la rolo de Esperanto dum la Hispana Enlanda Milito. Aparta rekomendo al iberianoj.