Internacia Junulara Kongreso en la 2009-a jaro okazos en la Ĉeĥa urbo Liberec' - tian decidon de la TEJO-Estraro anoncis merkrede vespere Vildana Delalić, estrarano por kongresoj.

Nova reta reklam-kampanjo uzas Esperanton. Jen estas grava momento por la Esperanto-movado. Dekoj da miloj -- eble eĉ milionoj da homoj -- ekaŭdos pri Esperanto kiel io interesa kaj koninda. Nepras ke ni nun reklamu, anoncu, ktp.

21-monata bebo bone komprenas Esperanton.
Ĉarma!

"La 21a de decembro 2007 estas la kvina datreveno de lanĉiĝo de lernu!, la plej granda kaj uzata retpaĝaro por lernado de Esperanto. Por marki tion, ni ĉi tie kolektis interesajn informojn pri la projekto, bildojn, fotojn, kaj intervjuojn kun la prizorgantoj kaj uzantoj de la paĝaro. Ni esperas ke vi ŝatos ilin, kaj eble eĉ uzos ilin por artikolo en via gazeto, afiŝo en via blogo aŭ mesaĝo en iu forumo aŭ retlisto. Se vi havas demandojn pri la projekto aŭ pliajn ideojn pri kiel marki la kvinan naskiĝtagon de lernu!, vi estas bonvena kontakti nin!"

Komence de la lunda kunsido de la komitato de UEA en Jokohamo estis diskonigita la rezulto de la fermita baloto pri la nova estraro de UEA. La nombrado de la balotiloj montris, ke la la komitato elektis estraron laŭ la rekomendoj de la elekta komisiono, tamen sen Marija Belošević el Kroatio. La nova prezidanto de UEA ekde lundo do estas Probal Dasgupta el Barato. Por Probal Dasgupta voĉdonis 49 komitatanoj, por Marija Belošević nur 9. "Ni okupiĝu ne nur pri la lingvo Esperanto, sed ankaŭ pri interkompreno", diris Probal Dasgupta post sia elektiĝo.

Kataluna Esperanto-Junularo kaj Valencia Esperanto-Junularo kune kun Varsovia Vento organizas ĉi-somere internacian tendumadon sen strikta programo. Unuflanke ni invitas ĉiujn esperantistojn ĝui internacian etoson, tendumi, festi, ripozi, plonĝi en la riveron, plaĝumi, ekskursi tra belaj pejzaĝoj, ktp.

Mi petas vin klaki en la katalunlingva versio de Klaku, t.e. "La Tafanera" kie oni publikigis la novaĵon pri la 4a Iberia Renkontiĝo

La 22-an de januaro en sia hejmo en Gland, Svisio, en la aĝo de 76 jaroj, forpasis Claude Piron, konata esperantlingva verkisto, membro de la Akademio de Esperanto kaj honora membro de Universala Esperanto Asocio.

Post sekvi kelkajn ligilojn, mi trovis hazarde ĉi tion. Temas pri esperanta kurso por la usonaj armeanoj.

Mi ne scias pri la vera kialo nek celo de ĉi tiu dokumento, mi eĉ dubas ke ĝi estas vera. Ĉu iu scias iom pri ĝi?

Cirkulas en la esperanta reta mondo la novaĵo pri filmeto kiu montras ĉarmegan bebon kiu komprenas Esperanton kaj eĉ diras kelkajn vortojn en nia lingvo.