Estas tragedia perdo. Mi min demandas, se tio instigos ian politikan ŝanĝon...
Por tiuj kiuj ne konu lin, Lluís M. Xirinacs estis la plej granda simbolo de la lukto por la amnestio fine de la frankismo (faŝisma diktaturo en la Hispana Ŝtato), li ĉiam praktikis la malobeon kaj reziston neperfortan, kaj dediĉis sian tutan vivon al libereco kaj suvereneco de la kataluna popolo.

Dankon Joan, intertempe mi ŝanĝis la titolon por ke la supersigno sur "i" ne aperu.

La vero malfacilas kaj en hipokresia mondo la homoj ne volas vidi la veron.

Xirinacs ĉiam en niaj koroj!
Paco, identeco, digneco, demokratio, libereco, respekto, sendependeco!

Jen kion li diris antaŭ la juĝisto la 17-an de decembro-2002: "Mi min deklaras amiko de ETA kaj de Batasuna kaj mi min deklaras malamiko de la Hispana Ŝtato. Ĉi tiu propozicio estas apliko de la plej pura neperfortema doktrino de Gandhi, kiun mi ĉiam predikis: La neperfortemulo, fronte al perforta konflikto, ne povas resti neŭtrala; necesas ke oni deklaru sin amiko de la subpremato, de la invadato, kaj ke oni deklaru sin malamiko de la subpremanto, de la invadanto. La hispanaj tankoj estas tiuj, kiuj okupas Eŭskadion. Neniu eŭska armilo volas konkeri Hispanion".

Bedaŭrinde malmultaj homoj komprenos liajn vortojn. Sed kion fari? Tia estas la mondo, kie ankaŭ loĝas niaj familianoj, niaj antikvaj amikoj, eĉ aliaj esperantistoj kaj aliaj laborantoj por la paco, la justico kaj lalibereco, kiuj tute ne komprenas la penson kaj la taskon de Xirinacs.

Kara Urso... lingvoj, kulturoj, vidpunktoj... ni ĉiam ripetiĝas la samajn erarojn...

George Bush estas granda demokrata prezidanto por multaj homoj, kaj estas teroristoj por multaj aliaj.

Fidel Castro estas liberecano por multaj homoj, kaj unu diktatoro laŭ multaj aliaj.

Kaj ETA estas terorista grupo por multaj homoj ĉar ili mortigas militistojn kaj politikistojn, sed por multaj aliaj ĝi estas sola ebleco ke havas la eŭskojn por defendi si mem antaŭ la faŝismo de Hispanio kaj Francio.

Kulturoj, vidpunktoj... kaj vi, ĉu vi volas la liberecon por la eŭskoj aŭ laŭ vi tio estas "Vascongadas" kiuj apartenas al unu Hispanio GRANDA kaj LIBERA?

Estas trista tion diri, sed el la antauxaj komentoj oni povas dedukti ke multaj klaku-anoj defendas murdon se tio favoras iliajn politikajn interesojn kaj etnajn glorumadojn.

En Euxskio estos libero nur kiam homoj ne devos rigardi sub sian auxton cxiumatene, kiam oni povos libere opinii sentime de reprezalioj de ETA kaj ties amikoj, kiam la viktimoj ne devu forlasi sian propran urbon, kiam neniu demandos la devenon aux naskigxlokon.

Mi la 2an de majo estas hejme farante miajn aferojn. Viaj insultoj pri fasxismo tute ne impresas min, ja ecx Zamenhof kaj Lanti estus faxsistoj laux viaj kriterioj.

Ne dankinde

Lluís-Maria Xirinacs ĵus faris sian lastan agon favore al sia popolo. Lluís-Maria Xirinacs ĵus faris sian lastan agon favore al la tuta homaro. La tuta homaro devus interkonsente rilati libere kaj digne, respektante ĉiujn popolojn kaj, kompreneble, siajn lingvojn. Jen la bazo ankaŭ de esperantismo.

Li agadis pere de aktiva neperforto. Li ne perfortis al tiuj kiuj sklavigas nin per altrudo de fremda lingvo kaj politika submetado. Li ne perfortis al tiuj kiuj disdividas lingvajn kaj kulturajn gefratojn por pli komforte domini nin. Li ne perfortis al tiuj kiuj perfortas nin pere de tiu ekonomia sistemo, egoisma, spekula, kie kelkaj havas multon kaj plimulton malmulton havas. Li ne perfortis nin mem, sklavoj de la konsum-socio. Li ne perfortis sin mem eĉ se la subpremado fariĝas pli kaj pli perforta. Li ne perfortis sin mem, sed anstataŭe li ĵus liberigis sin.

Li iris en la pacon, en la silenton, en la nenion; antaŭ la monto Taga. Li iris en la pacon, en la silenton kaj en la nenion, de kie ni ĉiuj venas kaj kien ni ĉiuj iras. Li faris sian vojon, ĉiam fidele al si mem, al sia popolo, al la universalo.

Samkiel li suferis lacon kaj malsaton en Santa Maria del Camí pro la kataluna lingvo. Samkiel li dialogis kaj agadis por nacia interkompreno de la katalunaro en la Assemblea de Catalunya. Samkiel li staris unu jaron kaj naŭ monatojn antaŭ la malliberejo de Barcelono ĝis sukcesis la amnestion por la politikaj malliberuloj. Samkiel li staris silente proklamante tiun amnestion en la hispana senato, dum ĉiuj aliaj senatanoj sidis. Samkiel li staris kaj malsatis, jam malsana, pro la rajto al memdecido kaj digneco de la kataluna popolo antaŭ la registarejo de Katalunio. Samkiel li instruis al ni, pere de sia persono mem, kiel esti homo, ekonomiisto, socialisto, religiulo, neperfortulo, neobeanto, justulo. Samkiel li instruis al ni la trompojn de tiu ĉi ekonomia sistemo falsa kaj hipokrita kiu ne sekvas eĉ ne siajn proprajn regulojn. Samkiel li eklaboris kaj ekskizis sistemon ekonomian, socian kaj kulturan justa kaj egaleca por ĉiuj. Samkiel li ege valoris la diversecon.

Nun, en la silento de la naturo kaj en universala silento, farinta lian tutan laboron, ni estas morale devigitaj agi.

Ve al tiuj kiuj kulpigas tiun kiu donis sian tutan tutan vivon al la servo de la libereco.
Ve al tiuj kiuj ploras sian forpason kaj nenion pli faras. Sia lasta ago nin agigu!

Dankon

ETA kaj Hispana Armeo estas la sama: ili defendas sian landon kaj sian identecon.

Kial Hispana Armeo povas ekzisti kaj la Euxska Armeo ne?

Por paroli pri la Euxska naciismo unue oni devas vidi la hispanan naciismon.

Vivu la armeo!! haha

http://www.youtube.com/watch?v=LwFk2VaDXok

Se vi ne gxin sxatas
Estas via afero

[...]
En la sama areo de la malliberejo kie Mumia troviĝas, estas alia malliberulo kies nomo estas Russell Shoats. Li estas kondamnita al du dumvivaj pun-laboroj pro la partopreno en atako al policejo la jaron 1972. Jen la sama jaro kiam mi estis devigita militservi en la hispana armeo, mi pensis. Tiu ĉi homo troviĝas ĉi tie kondamnita pro perforto (en la atako al tiu policejo, policano mortis) kaj al mi, la hispana armeo instruis kiel mortigi homon. Se mi kapablus, mi scius tion fari diversmaniere: per pafilo, per tranĉilo, per bastono... eĉ per miaj manoj mi scias kiel tion fari. Kaj krome mi estis devigita tion lerni. Kaj jen mi, ekster la stangoj de la malliberejo. Ĉio dependas de kiu havas la Povon kaj kun kiu partio vi estas...
[...]

Ero de la kroniko: http://www.vilaweb.cat/www/noticia?p_idcmp=2517312

Nu, Farri mi kredas ke ni jam suficxe multe diskutis. Cxu vere tiu armeo atakos vin? :D

Jen ekzemplo! Depende kiu mortigas kaj kiu estas la viktimo, oni estas aŭ heroo aŭ teroristo. Jen la baza tezo de Xirinacs, eĉ ekde la neperforta doktrino de Gandhi, amiki al atakato kaj malamiki al atakanto. Leĝaj armeoj instruas al siaj armeanoj, foje devige, kiel mortigi, kaj oni konsideras tion normale. Se tion faras depende de kiuj aliaj armeoj, oni konsideras terorismon.

Kaj mi demandas min, kiu estas plej terorisma, ĉu tiu kiu pafis kontraŭ militisto aŭ politikisto aŭ ĉu tiu kiu bombatakis Hiroŝimon?

Nu, mi kredas ke mi iom devus peti senkulpigon pri la tro krudaj esprimoj rilate s-ron Xirinacs kiu jxus forpasis kaj estis admirata de kelkaj homoj cxi tie. Certe tiu ankaux nek estis bona momento nek bona loko. Mi celo estis piki, ne ataki. Mi ne konis tiun homon, sercxis iom pri li kaj trovis la acxajxon kion li diris, mi fakte multege indignis pro tio ke li estis amiko de la murdindoj de 800 homoj, inter ili de multaj infanoj. Tuj poste mi legis iom de la blogo de Farri kie li celebras la eliminon de Madrido kiel olimpika urbo (fi al li!) kio forte kolerigis min, kiel kolerus iu ajn madridano. Aliamomente mi legis ion pli de la biografio de Xirinacs, kaj li faris ankaux kuragxajn agojn kontraux la diktaturo. Mi volas kredi ke oni memoras lin pro tio kaj ne pro liaj eldiroj maljunagxe.
La respondo de kelkaj, egaligante la hispanan sxtaton al la mafiuloj vere gapigis min. Farri kaj chmari devas tuj pardonpeti, ne por mi, sed pro la viktimoj kaj minacatoj de ETA, al la orfoj kaj al la ekziliitoj el Euxskio. Mi volas auxdi klaran kondamnon, sen cxirkauxiro. Tiel ni povos definitive scii kiaj vi estas.