Jen filmeto pri la kataluna modernisma stilo, subtitolita en esperanto. Modernismo (konata en aliaj landoj kiel "nova arto", "juna stilo" aŭ "florstilo") estas arta movado disvolviĝinta ĉ. 1900, kiu ĉefe tuŝis arkitekturon (sed ankaŭ pentrarton kaj literaturon), kaj en kiu la t.n. minoraj artoj (skulptado, vitral-arto, ceramiko, forĝado) akiris gravegan rolon. Tio ĉi aparte videblas en la kataluna varianto de tiu stilo, kies plej konata elstarulo estas la arkitekto Antoni Gaudí, dum ĉiuj ok Mondaj Kulturheredaĵoj de Unesko ekzistantaj en Barcelono estas modernismaj (el la arkitektoj Gaudí, Puig i Cadafalch kaj Domènech i Montaner).