Estas kreita nova socia reto por esperantistoj ĉe la retejo Ning.com, kiu funkcias plene en Esperanto. Ĉiu povas kree progresigi la projekton!

La populara multlingva retejo Lernu.net ekhavos slovakan ĝemelon. Dum Lernu.net instruas Esperanton, la nova retejo celas instrui la slovakan al alilingvanoj. Malantaŭ la projekto staras la esperantista organizaĵo E@I. La eduka agentejo de EU ĵus donis al la projekto subvencion de 256.000 eŭroj.

DIMANĈO, 16/09/2007 - 06:00a horo

Katalunaj esperantistoj impulsas Digg-on en la lingvo de Zamenhof

Ekde julio teste funkcias Klaku.net, ia Digg aŭ LaTafanera en esperanto. Tiun ĉi novaĵ-promocian retejon disvolvis grupo de programistoj kaj dizajnistoj de Kataluna Esperanto-Junularo, kaj rezultas nova paŝo de la internacia lingvo kreita de Ludwik Lejzer Zamenhof al kunlabora retejo. Menciindas ke de antaŭ iom ankaŭ ekzistas Amikumu.net, kie la esperantistoj povas interkontakti kaj publikigi bildojn.

Laŭ mia scio, ekzistas pluraj esperantistoj kiuj laboras kun programado, kaj kun Rails program-sistemo. Kiel la Chuck SMITH kiu kreiis la retejon amikumu.com (kiu estis farita per Rails). Per ĉi tiu ligilo vi povas elŝuti senpagan libron pri Rails dum la proksimaj 60 tagoj, post tiam, vi devos pagi por havi ĝin.

Ĝi kostos $29.95 kaj enhavas 447 paĝojn.

En aŭgusto Libera Folio rakontis pri la granda foto-retejo Ipernity, kiu decidis proponi siajn servojn ankaŭ en Esperanto. La esperanta traduko estis rapide finita, kaj dum kelkaj semajnoj la volontuloj de la esperanta teamo prov-uzis la sistemon por elsarki erarojn. La esperanta fasado de Ipernity estis oficiale lanĉita vendrede la 12-an de oktobro, kune kun la tradukoj en la germana, hispana kaj itala. La gvidantoj de Ipernity volis, ke la Esperanto-versio estu surprizo por la granda publiko, kaj neniuj informoj pri ĝi aperis en la retejo antaŭ la oficiala lanĉo.

Ĵaŭde la 22-an de novembro komenciĝis la tradukado de la foto-retejo Ipernity al la ĉina lingvo. La ideo pri la traduko venis de la ĉina esperantisto Zhang Xuesong, kaj la tradukon al la ĉina oni faros tra Esperanto, ĉar la plej multaj ĉinaj teamanoj ne scias alian fremdan lingvon. La respondeculoj de Ipernity entuziasmas pri la nova malfermo, kiun donis al ili la esperanta versio de la retejo. La kvanto de esperantistoj en Ipernity jam atingis 230, kvankam la esperanta versio ekzistas de nur ses semajnoj.

La konata usona reĝisoro Sam Green estas la aŭtoro de dokumenta filmo pri "kvar utopioj", el kiuj unu estis Esperanto. En nia intervjuo li rakontas pri sia nova projekto, kiu laŭ li estos la unua dokumenta filmo pri Esperanto farita de neesperantisto. La duonhora filmo havos la titolon "The Universal Language" (La universala lingvo).

La 9-an de majo Vatikano publikigis latinan version de sia retejo. Ĝis nun la ampleksa retejo de la papo estis havebla nur en la itala, angla, franca, germana, hispana kaj portugala.

En la 1970-aj kaj 1980-aj jaroj funkciis tre aktiva laborgrupo de UEA ĉe la ĉefsidejo de Unuiĝintaj Nacioj en Novjorko. Inter la pintaj agantoj tiam estis Humphrey Tonkin. Nun sub lia gvido estas starigata nova laborgrupo, kiu jam faris siajn unuajn paŝojn.