Kadre de la UK Jokohama kies temo estis : “Okcidento en Oriento, akcepto kaj rezisto”, prelegis D-ro Tsuda Yukio, konata japana specialisto pri lingvo-problemoj.

“En mia hodiaŭa parolo –li rimarkis je la fino- mi intencis konsciigi, ke Okcidento en Oriento fakte signifas Okcidento super Oriento. Nia defio estas egaligi rilaton inter Oriento kaj Okcidento. Pro tio, simpla akcepto ne sufiĉas. Pli gravas rezisto. Kaj por tia rezisto la Esperanto-movado povas ludi gravan rolon. Ekzemple esperantistoj povas kontribui al reformado de lingva instruado. Mi esperas daŭran evoluon de via agado.”