En merkredo kortumo en Moskvo trovis aktivulon de la Esperanto-rilata sekto Portos kulpa pri starigo kaj gvidado de kontraŭleĝa armita grupo, kontraŭleĝa malliberigo kaj turmentado de aliaj personoj. La prokuroro postulis ke Julija Privedjonnaja estu kondamnita je kvar kaj duona jaroj en malliberejo, sed la kortumo kontentiĝis je dujara kondiĉa malliberigo.

Socia reto vKontakte (vK, la plej populara en Rusio k Ukrainio) iĝas internacia kaj estos abunde reklamata en Interreto. Interfaco de la reto estas profesie tradukita en pli ol dekon da lingvoj (i. a. hungara, angla, pola, portugala). Partopreno estas senpaga, estas malpli da reklamo ol aliloke kaj forestas limigoj pri uzo de diskospaco. Gustumu kaj kromuzu inter la aliaj servoj.

Fragmento de la usona filmo „Nefidela“ montras amuzan ekzemplon de mislegitaj alilandaj familinomoj. La aŭtoro ankaŭ starigas demandon pri la profesieco de la „tradukintoj“.

La konata esperantisto Ksenija Prilepskaja estis sabate perforte arestita en Moskvo okaze de manifestacio por la rajtoj de gejoj.